Zindagi ab bemaksad si ho gayi hai
Gham ke saagar mein is kadar kho gayi hai.
Aa jaao laut ke waapis
Ke ab tumhaari aadat si ho gayi hai
Jaane kyun door chale gaye tum mujhse
kyun ek doori si ho gayi hai
Jin aankhon mein har pal rehta tha chehra tumhaara
Unhe ab aansuon ki aadat si ho gayi hai.
Tumse pyaar karke koi gila nahi mujhko
Wo khushiyaan, un beete lamho mein sajda si ho gayi hain
Kaat lenge zindagi ka ye tanha safar
Ki ab is dil ko dard se ek mohabbat si ho gayi hai
Khila tha jo pyaar ka phool,
Wo kali aaj murjha si gayi hai
Par mit naa paayegi uski wo mehak,
Jo dil mein samaakar dil hi ki ho gayi hai.........
No comments:
Post a Comment